瑪姬的碎碎念

減肥誌

10:20pm Posted in 減肥日誌

各位親愛的朋友！看見這個標題大家就估到！我o個團火，又燒到熊熊聲喇！嘿嘿！

其實想要減肥的想法一直也在我的腦裏存在，但一直一直也因天氣還冷冷的而一直沒有實行。
突然大叫要實行減肥的原因有好幾個：
1. 今天的天氣突然一下子熱到30.5度，令我驚覺又愛又恨的夏天已經到了！！！
2. 將要去旅行！(哈！！) 不希望影到好幾gig肥肉橫生、令我飲恨又令我勁後悔的相片……
3. 同事艾蜜莉的減肥計劃超成功；友人化V的意外的調型計劃亦超成功(雖說友人V沒有特別計劃要去減肥，只是突然想要改變口味…)；還有網友酪梨壽司減肥成功的故事。一個又一個的成功故事令我覺得減肥「好像」不是太難，只要不要太懶就會慢慢的看見成果。

但預計的困難亦有幾個：
1. 我自知自認是個很懶…很懶…很懶…很懶…(下刪數百字)的人
2. 我自知自認是個很為食…很為食…很為食…很為食…(下刪數百字)的人

呵呵！雖然是困難重重，但又想要一試！從現在開始，我會在這裏記O下我的飲食記錄。作為警惕自己之用，如果你係好八卦，又或者真係好得閒的話，就請按閱讀全文吧！

++++++++++++ 

[努力！每天繼續更新！]

Day 10  29 April (Wed)
飲食：早餐 / 吞拿魚包一個、咖啡一罐；午 /茶餐廳的豬扒燴意粉一碟、凍奶茶；晚餐：KFC去皮雞脾一隻
體重(與昨日比較)：-0.5kg
運動：wii fit 40 min
檢討筆記：今日食完碟豬扒燴意粉時真好滿足！！！！

++++++++++++     

Day 9  28 April (Tue)
飲食：早餐 / 吞拿魚包一個、咖啡一罐；午 /通粉一包、dada的番茄薯仔靚湯一碗；下午茶：西栖一個；宵夜：橙一個
體重(與昨日比較)：-0.4kg
運動：wii fit 30 min
檢討筆記：公司開始勁忙！無時間食飯！好野！！！

++++++++++++    

Day 8  27 April (Mon)
飲食：早餐 / 吞拿魚包一個、咖啡一罐；午 / 灣仔潮苑好好食的牛肉餅河粉；下午茶：一條蕉；晚 /吉野家細牛肉飯小飯小肉：宵夜：西栖一個
體重(與昨日比較)：-0.1
體重(與上星期一比較)：-0.9kg
運動：wii fit 50 min (不過無汗出…可能太氣凍耶)
檢討筆記：今天兩餐都要出街食，晚上跟大王一起出街食的選擇真係好小好小………希望唔會肥返喇。

++++++++++++   

Day 7  26 April (Sun)
飲食：午 / 壽司餐，內有：前菜一碟、沙津一個、壽司3件、小加洲卷3件、蟹柳1條、熟蝦1件、三文魚刺生2件、凍奶茶一杯；晚 / 昨天飲剩的老火湯、烚學斗菜一大包；宵夜：龜靈膏
體重(與昨日比較)：+0.2
檢討筆記：今天的午餐好豐富啊！^_^ Yummy！

++++++++++++  

Day 6  25 April (Sat)
飲食：午 / 烚白菜花、福字米粉一個；晚/ 老火湯：節瓜雪耳煲豬展 (成煲湯渣！食得我好飽！！！) 
體重(與昨日比較)：-0.2kg
檢討筆記：今日下午唔知係唔係食得唔夠……臨食晚餐前覺得自己頭暈手震……好彩今晚有肉食！食完好好多！

++++++++++++ 

Day 5  24 April (Fri)
飲食：早餐 / 吞拿魚包一個、咖啡一罐；午 / 鰻魚炒飯；晚/ 大量烚生菜、烚學斗菜、還有白烚前日食剩的鮮冬菇(加豉油調味)
體重(與昨日比較)：-0.5kg
檢討筆記：飛滋仍然未好~~食野食得我好痛！！！看見磅數有輕微下降！可喜可賀！繼續努力！

++++++++++++  

Day 4  23 April (Thur)
飲食：早餐 / 吞拿魚包一個、咖啡一罐；午 / [帶飯]炒飯 (雞蛋、東菇、肉絲)、dada節瓜靚湯一碗；下午茶：野葛菜一杯；晚/ 勁多醋的片頭河一碗、腐乳通菜半碟
體重(與昨日比較)：–0.2kg
檢討筆記：今晚係開始減肥後第一次出街食晚飯，還好友人H肯陪我食得清。加上生在舌頭上的飛滋仍然未好~~繼續令我的食慾大減！

++++++++++++ 

Day 3  22 April (Wed)
飲食：早餐 / 吞拿魚包一個、咖啡一罐；午 / [帶飯] 蘿白紋牛腩、烚菜心、咖哩炒蝦、白飯一碗、dada的番茄薯仔靚湯一碗；晚 / 大量烚生菜、烚節瓜一大個、烚鮮冬菇(加豉油調味)
體重(與昨日比較)：–0.4kg
檢討筆記：今日食o既野終於似番一個聲稱話要減肥的人應該要食的野！好彩公司開始忙，加上飛滋一大粒~~令我的食慾大減！好事好事！

++++++++++++

Day 2  21 April (Tue)
飲食：早餐 / 吞拿魚包一個、咖啡一罐；午 / [帶飯] 蘿白紋牛腩、蒸鯇魚、烚菜心、白飯一碗、dada的節瓜靚湯一碗；晚 / [奶奶家]  蘿白紋牛腩的蘿白、咖哩炒蝦、烚菜心、白飯一碗、湯兩碗
體重(與昨日比較)：-+0.3kg
檢討筆記：奶奶有時真係估佢唔到！咖哩炒蝦依味菜真係要了我的命！今日的餐單除o左無任何零食之外，完全唔似係一個話要減肥的人應該要食的野！！

++++++++++++

Day 1  20 April (Mon)
飲食：早餐 / 吞拿魚包一個、咖啡一罐；午 / 昨天晚餐剩下的苦瓜抄蛋、烚學斗菜、合味道杯麵 (死罪啊！)；晚 / 五花茶一杯、大量烚生菜、一包金菇 (加豉油調味)；
檢討筆記：今晚一個人行街的時候路過很多很多食市，以為可以忍下去的時候，突然發現路邊竟然開o左間Burger King！！！只差一點點，我的決心就敗了給它！！心中默念「我睇你唔到我睇你唔到」，加多句「好野要同朋友一齊時先好食！」一個箭步就衝o左去買餸！好彩~~~~~