2009年意大利之旅 - 住宿安排
9:46am Posted in 2009年05月意大利喪行之旅今次旅行所住的酒店全都是在網上找回來的。
我們選酒店時著重幾個重點。
1. 有冷氣 - 雖然去前已知道晚上的意大利氣溫會驟降，但被冷氣寵壞了的我們無冷氣真係訓唔著。
2. 有私家廁所 - 因上次的日本之旅，唔再喜歡跟別人share廁所浴室
3. 近火車站 - 小女子其在無力拉住個大行李左轉右轉轉車到酒店，加上我們經常會四圍走，近火車站實在太方便了！
4. 可以免費wifi上網(optional)：宅女不能不上網也！
5. 我們是因為同行其中一位旅伴臨事因時要退出，所以以下的酒店是臨出發前兩星期才book的。
找住宿的正網有：
http://www.venere.com/ - 可以分區選酒店，好方便！
http://www.hostelworld.com/ - 感覺得無venere咁方便，但上面都有好多平住宿，有時間可以望望。
最後，我們選了以下幾間酒店/旅館。
Soderini Palace - photo taken by Celia Li
28-30 May Soderini Palace, Venice (€35/head/night) - 5星推介
依間酒店真係無得頂！係威尼斯主島但價錢極平！！！而且極為乾淨、裝修極新！
不近火車站但近聖馬可廣場！觀光搵飯食好方便！
但地方有點難搵，要問人問o左好幾次先搵到…
ADI Doria Grand Hotel, Milan - photo taken by Celia Li
去到見到張床好大！開心到唔記得影房的相……
30-31 May ADI Doria Grand Hotel, Milan (€37.5/head/night) - 5星推介
旅程中唯一一間四星級酒店！勁近火車站，步行五分鐘即到！
加上酒店天台有勁大勁大個招牌。基本上一出火車站，找對方向，你就會望到間酒店。
酒店房間乾淨，企理。廁所勁大！！！！
Hotel Monica, Florence
今次唔記得影廁所相
31 May - 4 June Hotel Monica, Florence (€39.375/head/night) - 3星推介
近火車站，步行五分鐘即到！房間超大！2個人到但佢俾o左間3人房。廁所OK，但好以無抽氣扇……
傢俱簡單O左D…書桌都無張，唯有係床上開電腦上網。
另外，友人覺得床舖唔係咁乾淨，訓上去上O左陣網就出粒粒喇！但我訓就無事……可能我d皮粗……
另另外，冷氣唔夠凍但又超勁嘈！
4-7 June Altavilla, Rome (€42.5/head/night) - 不推介﹐請列入黑名單內！
近火車站及地鐵，步行約8分鐘。但所謂的酒店經理極不老實！
網上訂房時寫明有冷氣的！但所謂的酒店經理說有冷氣但用冷氣要另外每晚多俾€10，即每人每晚住宿費為€47.5。咁Q貴我大酒店俾我選喇！洗住依間！！！
最勞氣的係！所謂的酒店經理話依類事情經常發生！嘩！日日都有客同你嘈都唔死去update返個website…勁唔老實！！！
另外，浴室的去水塞o左但無人整！！
另另外，唔知係唔係電壓唔夠。其中一晚無喇喇因為跳制而全層停電………